TANGA CITY MARATHON 2024 IMESEMA MAANDALIZI YAMEKAMILIKA KWA UPANDE WA ZAWADI NA KUWATAKA WASHIRIKI WENYE SIFA KUJITOKEZA,,,,,

Pichani katikati Msemaji Kamati ya Mashindano Tanga City Marathon, Fatma Mbinga, akizungumza na Vyombo vya Habari katika Ukumbi wa Amboni kwenye Hoteli ya Tanga Beach Resort iliopo  Jijini Tanga mkono wa kulia ni ni Miongoni mwa Wadhamini Mushi kutoka Bumaco.

Usajili 'Tanga City Marathon' 2024 kufanyika kwa mtandao 'Online'.

NA SOPHIA WAKATI,TANGA

MUANDAAJI wa mashindano ya Riadha 'Tanga Marathon 2024' amesema mchakato umekamilika na kuwataka washiriki wenye vipaji vya mchezo huo  kujitokeza kukamilisha taratibu na kupata fursa ya kufanya mazoezi na kuendeleza kipaji chake.

 Hata hivyo amesema mashindano hayo yamekuja kivingine huku Usajili kwa washiriki wake unafanyika kwa njia ya mtandao 'Online' kupitia marathon. imartgroup.co.tz.

Msemaji Kamati ya Mashindano hayo, Fatma Mbinga, akizungumza na Vyombo vya Habari huko katika Ukumbi wa Amboni kwenye Hoteli ya Tanga Beach Resort iliyopo  Jijini Tanga alisema, huu ni msimu wa nane (8) kwa mbio hizo kufanyika Jijini hapo. 

Alisema, kwa mwaka huu usajili wa kumwezesha mtu kushiriki Tanga Marathon unafanyika kupitia njia ya mtandao huku akibainisha kuwa wamekuja kivingine na zawadi ni zenye kuvutia kwa washindi mbio hizo.

"Tunataraji Mbio zitakuwa tarehe 22/09/2024 leo ni uzinduzi tunatangaza jezi yetu ambayo ni nzuri, Tshirt yetu hii ina nafasi kubwa ya kufanya udhamini"alisema  Fatma huku akitanabaisha kwamba medali zitatolewa kuanzia washindi wa mbio za Kilomita 5,10 hadi 21.

Aidha amesema kwamba, kwa mwaka huu 'Tanga Marathon' imejipanga kurejesha fadhila kwa jamii kwa kusaidia uimarishaji miundombinu ya elimu hususani madawati. 

Tayari Kampuni ya Bima ya Bumaco, iMart Group Ltd na Tanga Beach Resort zimejitokeza kudhamini mashindano ya Tanga Marathon Mwaka 2024.

Naye Mwenyekiti wa chama cha riadha Mkoa wa Tanga,Sophia Wakati alitumia nafasi hiyo kwa kutoa wito kwa wadau kujitokeza kwa wingi kufadhili mchezo huo na mingine ya aina hiyo inayokuwa ikifanyika katika mkoa huo wa Tanga. 

Alisema kwamba,kwa kufanya udhamini Chama cha riadha itatoa fursa kwao kujifunza mambo mbalimbali huku wakinufaika na fursa za uwekezaji zilizoandaliwa na Serikali yao katika mkoa huo uliopo pembezoni mwa Bahari ya Hindi.

Mwisho.

Pichani mkono wa kushoto mwanamke ni Msemaji Kamati ya Mashindano Tanga City Marathon, Fatma Mbinga, akionyesha sare itakayotumika mwaka huu 2024 kwa Vyombo vya Habari katika Ukumbi wa Amboni kwenye Hoteli ya Tanga Beach Resort iliopo  Jijini Tanga.

Pichani Msemaji Kamati ya Mashindano Tanga City Marathon, Fatma Mbinga, wakionyesha Medali ambazo zitatolewa kwa washiriki kwa Vyombo vya Habari katika Ukumbi wa Amboni kwenye Hoteli ya Tanga Beach Resort iliopo  Jijini Tanga mkono wa kulia ni ni Miongoni mwa Wadhamini Mushi kutoka Bumaco.

HOME GUARD FC, SMALL PRISON ZAAGA MASHINDANO ULINZI CUP TANGA

Mratibu wa Mashindano ya Ulinzi Cup Sophia Wakati akikagua timu za  soka Small Prison na Home Guard kabla ya kuanza mchezo wao katika uwanja wa soka Ziwani Pongwe Jijini Tanga

Na Sophia Wakati, TANGA.

TIMU za soka Small Prison na Home Guard zimeaga Mashindano ya Ulinzi Cup baada ya kila mmoja kufungwa katika mchezo wa hatua ya mtoano inayoendelea kwenye viwanja vya Ziwani Pongwe Jijini Tanga.


Mashindano hayo yanaratibiwa na Jeshi la Polisi Mkoa wa Tanga yakiwa na lengo la kutoa elimu kwa vijana kujiepusha na vitendo vya uhalifu katika jamii wanazoishi ikiwemo kuwa mabalozi wa amani kwenye maeneo yao


Katika mchezo wa awali wa ufunguzi wa mashindano hayo timu ya soka TFC waliigaragaza Home Guard bao 1-0 bao ambalo lilifungwa na Mohamed Saidi dakika ya 5 hya mchezo huo ambao ulikuwa na upinzani.

Mratibu wa Mashindano ya Ulinzi Cup Sophia Wakati kushoto akitoa elimu kwa wachezaji wanaoshiriki mashindano hayo kuhusu lengo la mashindano hayo kuunga urafiki baina ya Polisi na Jamii

Huku mchezo wa pili uliochezwa Agosti 21 mwaka huu timu ya Chote FC waliweza kuwapigisha kwata maafande wa Jeshi la Magereza Small Prison bao 1-0 ambalo lilifungwa na Boniface Majere dakika ya 47.



Akizungumza wakati wa ufunguzi wa Mashindano hayo,Diwani wa Kata ya Pongwe (CCM) Mbaraka Sadi alilipongeza Jeshi la Polisi kwa kazi kubwa anayoifanya kwa kuhakikisha Jeshi la Polisi linakuwa karibu na Jamii jambo ambalo ni muhimu katika kuhakikisha kuimarisha ulinzi.



Mbaraka alisema kwamba kufanyika kwa mashindano hayo katika maeneo mbalimbali yanasaidia na kuwawezesha vijana kuweza kuyatumia kama njia muhimu ya ajira,kujenga afya pamoja na kusaidia kuwaondoa vijana kwenye masuala ya uhalifu na dawa za kulevya na wanaamini mashindan hayo yatakuwa chachu kubwa ya kuinua vipaji vya wachezaji.



Naye kwa upande wake Mratibu wa Mashindano hayo Sophia Wakati alivitaka vilabu vinavyoshiriki kwenye mashindano hayo kuhakikisha wanazingatia sheria 17 za mpira wa miguuu zilizowekwa ikiwemo kuacha kuwachukia waamuzi.



“Lengo la Mashindano hayo ni kujenga undugu baina ya Jeshi la Polisi na Jamii lengo kujenga urafiki msijengeane chuki hakikisheni mnacheza kwa kuzingatia nidhamu ambayo itakuwa chachu ya mafanikio kwenye jambo lolote lile lakini msiwachukie waamuzi kutokana na kwamba wakati mwengine kunakuwa na makosa ya kibinadamu”Alisema



Mwisho.

HALMASHAURI ZA MKOA WA TANGA ZATAMBA KUYATUMIA MAONYESHO YA NANE NANE 2024 KUTANGAZA FURSA ZILIZOPO

 

Pichani ni Afisa Kilimo wa Halmashauri ya Mkinga Faizu Nyoni akionyesha miongoni mwa mazao yanayolimwa wilayani humo

NA SOPHIA WAKATI,MOROGORO

WAJASIRIAMALI kutoka wilaya ya Mkinga Mkoani Tanga, wameyatumia maonesho ya Kilimo nane nane kwa mwaka huu katika kutanua wigo wa masoko hatua ambayo lengo lake ni kuongeza tija kwa uzalishaji wa bidhaa. 

 

Afisa Kilimo Mkinga,Faizu Nyoni ameyasema hayo  juzi Mkoani Morogoro kwamba, maonesho ya mwaka huu yameongeza elimu kwa wajasiriamali na pia kuwawezesha kutanua wigo wa masoko.

 

Alisema, Halmashauri ya Wilaya ya Mkinga  imewawezesha wananchi kada mbalimbali kushiriki maonesho hayo ili kuweza kujifunza vitu vingi huku wakibadilishana mbinu za uzalishamali.

 

"Tumekuja na wakulima ambao wamediriki kuchukua mbegu za mazao wakatumie kule tulikotoka, pia tumekuja na wajasiriamali mbalimbali wakiwemo vijana waliokopeshwa mikopo ya asilimia kumi" alisema.

 

Kwa upande wa vijana hao waliofanikiwa kupata mikopo ya asilimia kumi, afisa Kilimo huyo alisema, hao walinunua mashine kutengeneza masweta na kwamba  kuwepo kwao Morogoro kumewasaidia kuongeza wigo wa soko.

 

"Hapa wasiliamali tumewapa muda wanatembea kupata Connection wateja kuwa wengi" alisema afisa Kilimo huyo huku akitanabaisha kwamba Kilindi wanazalisha mazao ya biashara na chakula.

 

Amesema kwamba tayari wamefanya uhamasishaji wa zao la Korosho ambapo kwa kipindi cha mwaka jana wameanza matarajio yao yakiwa ni kutaka kuanzisha Amcos kwa sababu Korosho haziuzwi kwa njia za kawaida.

 

Pia wilaya ya Mkinga imeanzisha Kilimo cha zao la Pamba na pia wamekuwa wakizalisha lishe jambo ambalo kwa kiasi kikubwa limesaidia kuiimarisha lishe ya wananchi hususani watoto.

 

Miongoni mwa wajasiliamali Duga Sigaya wilayani Mkinga,Elina Mumba amesema amenufaika na maonyesho ya nanenane kwa kutangaza bidhaa zake zinazotokana na zao la Muhogo na Korosho baada ya kupatiwa mikopo na halmashauri.

Mwisho

NA SOPHIA WAKATI,MOROGORO

WAKULIMA wa zao la Mkonge wilayani Mkinga wameiomba Serikali kuwaangalia wakulima wadogo kwa jicho la huruma katika kuwapatia mikopo ya muda mrefu, hatua ambayo itawawezesha kuendesha kilimo hicho kwa ufanisi. 

 

Meneja wa Kampuni ya Duvii Farm inayohusika na Kilimo na uchakataji Mkonge wilayani Mkinga, Robert Rashid Duvii alitoa Rai hiyo juzi kwenye kilele cha maonesho ya wakulima nanenane Mkoani Morogoro.

 

Duvii alisema kwamba maonesho hayo yamewasaidia wakulima mbalimbali kujifunza mambo mengi sambamba na kuona jitihada za Serikali katika kuhakikisha wananchi wanaelimika.

 

Alisema kuwa, katika uzalishaji wa zao la.Mkonge manufaa makubwa yameanza kupatikana ingawa wakulima wanakabiliwa na changamoto ya miundombinu sanjari na suala la mikopo kwa wakulima wadogo wadogo. 

 

Alisema, kwa mkulima mdogo ili kuweza kuangalia Shamba lake na kupata mazao yenye ubora inamchukua muda mrefu na mara nyingi wamekuwa wakikwama kwa kukosa mikopo ya muda mrefu.

 

"Kwa upande wa Mkonge Serikali iangalie namna ya kutoa mikopo ya muda mrefu,mkulima akishindwa kuangalia shamba vizuri atashindwa kupata product nzuri "alisema Duvii.

 

Akizungumzia changamoto ya miundombinu, Meneja huyo wa Duvii Farm alisema,pamoja na zao la Mkonge kwa sasa kuonekana kuwa na manufaa makubwa.Ukosefu mashine za uchakataji ni changamoto kwa wakulima.

 

Aidha Meneja huyo alisema, Duvii Farm wanazo mashine mbili ikiwemo ile ya kuhamahama 'mobile' huku wakiwa katika mchakato wa kununua mashine kubwa ya Korona itakayokuwa mkombozi kwa wakulima wadogo. 

 

"Sisi tunazo mashine mbili moja ni Moverable na nyingine ni Stored pale pale. Viwanda vikubwa vipo vichache na wakulima ni wengi nadhani bodi ya Mkonge walishaelezwa watafute mashine zao ili kusaidia wakulima" alisema Robert Duvii.

 

Pamoja na kuyasema hayo, Duvii alitumia nafasi hiyo kusema kuwa wanakusudia kuleta mashine kubwa itakayokuwa na uwezo wa kuchakata tani nne kwa muda wa saa moja na kwamba itakapokuja itakuwa mkombozi wa wakulima wa Mkinga.

Mwisho.

NA SOPHIA WAKATI,MOROGORO

WAKULIMA wa Matunda Wilayani Muheza Mkoani Tanga,wameiomba Serikali kuangalia uwezekano wa kuwapatia mashine ya kuchakata machungwa hatua ambayo itawaepusha na changamoto ya mazao yao kuoza shambani.

Wametoa Wito huo jana wakiwa wanahudhuria maonesho ya Kilimo nanenane yanayofanyika Mkoani Morogoro, ambapo Richard Ismail wa Kata ya Songa wilayani Muheza mkoani Tanga,ameomba kuangaliwa uwezekano wa kujengewa kiwanda kidogo ili kuondoa changamoto hiyo kwa wakulima.

Ismail alisema kwamba, katika wilaya yao wamekuwa wakizalisha kwa wingi machungwa ya aina mbili huku akitaja Msasa na Valencia ingawa hapo awali pia walizalisha aina ya Jafa. 

Alisema kuwa, katika Kilimo hicho licha ya wananchi wengi kuhamasika lakini bado wamekosa kunufaika kwa kiasi kikubwa kutokana na matunda wanayolima kuozea Shambani. 

"Tumefanikiwa kuzalisha kwa wingi Machungwa ila kwa ukdsefu wa mashine ama kiwanda kidogo,mengi huozea mashambani na hivyo tunapata hasara" alisema Mkulima huyo.

Pamoja na hayo ameishauri Serikali kupitia Halmashauri yao kuwatumia maafisa ugani katika kuwapatia elimu kabla mkulima hajapata hasara ya kwa wadudu kushambulia mazao yao na hivyo kuwaepusha na uwezekano wa kupata hasara.

Hata hivyo,Mkulima Ismail alielezea kuridhishwa kwake na hatua za haraka zinazoendelea kuchukuliwa na maafisa ugani katika kuwafikishia dawa wakulima wa zao la matunda.

Mbali na kuzungumzia biashara ya machungwa, Ismail alisema kuwa pia wamekuwa na utaratibu wa kuandaa miche na kuiuza kwa watu wanaohitaji  akisema katika kipindi cha mwaka 2022/23 waliandaa miche mingi huku akiwashukuru maafisa ugani kwa kuwapelekea madawa.

Kwa upande wa masoko kwa ajili ya kuuzia mazao yao,Ismail aliitaja mikoa ya  Dar es salaam, Mbeya, Pwani na nchi jirani ya Kenya ingawa alilalamikia changamoto ya madalali wanaoteremsha bei jambo ambali linaleta shida kwa mkulima na kukosa kipato stahiki.

Mwisho.

Mjasiriamali  Kata ya Mkata wilaya ya Handeni alivyoyatumia maonyesho hayo kutangaza bidhaa zake

NA SOPHIA WAKATI,MOROGORO

HALMASHAURI ya Wilaya ya Handeni Mkoani Tanga imejidhatiti katika kutengeneza mazingira bora kwa Wafugaji wake hatua ambayo lengo lake ni kuwawezesha kupata mazao yenye ubora na hivyo tija kuweza kuongezeka.

Katika mikakati yao hiyo maeneo kadhaa yametengwa kwa ajili ya wafugaji zikiwemo hekta 22 zinazotumika kwa ajili ya kupata majani yanayotumika kama chakula cha mifugo hususani ng'ombe.

Mkuu wa idara ya kilimo  Ufugaji na Uvuvi Handeni Vijijini,Ibalila Chiza  anasema kuwa katika kuboresha sekta ya mifugo wanatekeleza zoezi la kuboresha Vinasaba kwa ng'ombe ambapo wanachagua ng'ombe bora wa kienyeji na kuwapandikiza na wale wa kisasa ili kupata matokeo bora.

Katika utaratibu huo, Chiza alisema wamefanikiwa kupata mbegu ya ndama wa miezi mitano akiwa na uzito 110 Kg hatua ambayo pia imesaidia kuongeza idadi ya wafugaji.

Hatua za namna hiyo zimeanza kuchukuliwa kwenye eneo la Msomera ambapi Halmashauri inaongeza nguvu ya ukusanyaji fedha kupitia mapato ya ndani kuboresha mifumo ya wafugaji

"Tumetenga maeneo na ranchi zipo kama tatu Handeni tunawakaribisha wawekezaji wa ndani waje kuwekeza kwenye mifugo"alisema Mkuu huyo wa idara ya Kilimo,Chiza. 

Ametaja faida zinazopatikqna kwa kutumia ng'ombe wa kisasa kuwa ni uzalishaji nyama na maziwa kwa wingi huku akitanabaisha kuwa upandikizaji ng'ombe kienyeji gharama zake ni zile za wastani.

Afisa huyo amemtolea mfano mmoja wa wakulima anayeitwa Shauri huko Kata ya Misima kwamba amepandikiza Ng'ombe 20 na 18 wamezaliwa na kwamba Mwaka mpya unaoanza zoezi litaendelea huku matarajio yakiwa kuwapoteza kabisa ng'ombe wasiokuwa na ubora.

Akizungumzia zao jingine la biashara wilayani Handeni kuwa ni Mkonge ingawa wanakabiliwa na changamoto ya ukosefu wa.mashine ya.kuchakata zao hilo na kupata bidhaa ya nyuzi bora zinazohitajika sokoni.

Pia alisema, wamekuwa wakijishughulisha na kilimo cha zao la matunda ambayo huingizia fedha nyingi Halmashauri ambapo wangetamani kuwa na kiwanda cha kuongeza thamani matunda.

Pamoja na hayo kuna zao mama la mahindi asilia linqlotukika kwa chakula na biashara ambapo kuna mwekezaji mmoja mwenye kiwanda cha nafaka bado anahitaji mwekezaji eneo hilo.

Mwisho.

RIADHA TANGA KUMPA USHIRIKIANO MUANDAAJI WA MASHINDANO YA TANGA CITY MARATHON

Pichani ni Waandaaji wa Mashindano ya Tanga City Marathon wakionyesha medali ambazo zitatolewa kwa washiriki wa mbio hizo msimu huu

Na Sophia Wakati,Tanga.

CHAMA cha Riadhaa Mkoa wa Tanga (RT) kimesema kwamba kitampa ushirikiano wa kutosha muandaaji wa Mashindano ya Riadhaa ya Tanga City Marathon ili kuweza kuondoa changamoto zilizojitokeza msimu uliopita na yaweze kuwa na tija na mafanikio makubwa.

Hayo yalisemwa na Mwenyekiti wa Chama cha Riadha (RT) Mkoani Tanga,Sophia Wakati alipokuwa akizungumza na vyombo vya habari kuhusu namna walivyojipanga kuhakikisha wanampa ushirikiano wa kutosha muadaaji huyo ili mashindano hayo yaweze kufanyika kwa ufanisi.

Alisema pia kuweza kufanyika vizuri kwa kufuata taratibu zote za Mashindano hayo kwa kushirikiana na Ofisi ya Mkuu wa Mkoa wa Tanga kupitia Afisa Michezo Mkoa

“Mbio hizi za Tanga City Marathon ni mashindano muhimu kwa mchezo wa Riadha mkoani hapa na kwa sasa tumeyaingiza kwenye kalenda ya Mkoa na sasa yatakuwa yakifanyika kila mwaka na sisi RT kwa kushirikiana na ofisi ya Mkuu wa Mkoa wa Tanga tutatoa ushirikiano wa kutosha kwa waandaaji”Alisema Sophia Wakati.

Mashindano hayo yanatarajiwa kufanyika Septemba 22 mwaka huu ambapo yataanzia kwenye Hotel ya Tanga Beach Resort na kuzunguka maeneo mbalimbali Jijini Tanga na kuishia hapo huku yakishirikisha wakimbiaji katika makundi matatu ya Kilomita 21,10 na 5 za kujifurahisha.

Mwisho.

USAJILI WA TANGA CITY MARATHON 2024 KUFANYIKA KWA MTANDAO "ONLINE"

Waandaaji wa Mashindano ya Riadha ya Tanga City Marathon wakionyesha tisheti zitakazotumika kwa washiriki watakaoshiriki mashindano hayo msimu huu mara baada ya kuzungumza na waandishi wa habari Jijini Tanga kwenye ukumbi wa Tanga Beach Resort

# Usajili 'Tanga Marathon' 2024 kufanyika kwa mtandao 'Online'.

# Hamasa yatolewa kwa Wadau kuongeza nguvu udhamini mbio hizo, ni ili kuweza kunufaika na fursa zilizopo katika kuweza kujikwamua kiuchumi.

TANGA: MASHAKA KIBAYA 

MASHINDANO ya Riadha 'Tanga City Marathon 2024' yamekuja kivingine msimu huu, ambapo Usajili kwa washiriki wake utafanyika kwa njia ya mtandao 'Online' kupitia marathon. imartgroup.co.tz

Msemaji Kamati ya Mashindano hayo, Fatma Mbinga, akizungumza na waandishi wa habari jijini Tanga katika Tanga Beach Resort alisema kila kitu kimekamilika kwa upande wa zawadi kwa washindi,

Hata hivyo amebainisha kwamba mashindano hayo yamekuwa endelevu kufanyika kwa mwaka huu ni msimu wa nane (8) na wadau mbalimbali kujitokeza kushiriki. 

Fatma alisema, kwa mwaka huu usajili wa kumwezesha mtu kushiriki Tanga Marathon utafanyika kupitia njia ya mtandao huku akibainisha kuwa wamekuja kivingine na zawadi ni zenye kuvutia kwa washindi mbio hizo.

"Tunataraji Mbio zitakuwa tarehe 22/09/2024 leo tunatangaza jezi yetu ambayo ni nzuri, Tshirt yetu hii ina nafasi kubwa ya kufanya udhamini"alisema Bi Mbinga huku akitanabaisha kwamba medali zitatolewa kuanzia washindi wa mbio za Kilomita 5,10 na 21.

Aidha amesema kwamba, kwa mwaka huu 'Tanga Marathon' imejipanga kurejesha fadhila kwa jamii kwa kusaidia uimarishaji miundombinu ya elimu hususani madawati.

Naye Katibu wa mchezo wa riadha Mkoani Tanga, Hassan Tuano alisema kwamba, mbio za Tanga Marathon kwa mwaka huu zitakuwa zile za kihistoria ,akiwasihi washiriki wa ndani na nje kuja kushiriki ili kujifunza mambo mbalimbali yenye tija.

Tuano alisema kwamba, kufanyika kwa mbio hizo itakuwa fursa adhimu kwa wanaTanga hususani Wajasiriamali akiwataja mama lishe kuuza chakula na biashara nyjngine ili kuweza kujiingizia kipato.

Pia Mwenyekiti wa chama hicho cha riadha Mkoa wa Tanga, Bi Sophia Wakati, alitoa wito kwa wadau kujitokeza kwa wingi kufadhili mchezo huo na mingine ya aina hiyo inayokuwa ikifanyika katika mkoa huo wa Tanga. 

Bi Wakati alisema kwamba,kwa kufanya udhamini Chama cha riadha itatoa fursa kwao kujifunza mambo mbalimbali huku wakinufaika na fursa za uwekezaji zilizoandaliwa na Serikali yao katika mkoa huo uliopo pembezoni mwa Bahari ya Hindi. 

Tayari Kampuni ya Bima ya Bumaco, iMart Group Ltd na Tanga Beach Resort zimejitokeza kudhamini mashindano ya Tanga Marathon Mwaka 2024.

Mwisho.

MAONYESHO YA NANENANE 2024,YAIBUA WAKULIMA KUTOA CHANGAMOTO ZAO KWENYE SEKTA YA KILIMO,,

Pichani mkono wa kushoto ni mkulima wa zao la machungwa wilayani Muheza mkoani Tanga akiwa katika maonyesho mkoani Morogoro.

NA SOPHIA WAKATI,MOROGORO

WAKULIMA wa Matunda Wilayani Muheza Mkoani Tanga wameiomba Serikali kuangalia uwezekano wa kuwapatia mashine ya kuchakata machungwa hatua ambayo itawaepusha na changamoto ya mazao yao kuoza shambani.

Wametoa Wito huo kwenye maonesho ya Kilimo nanenane yanayofanyika Mkoani Morogoro, ambapo Richard Ismail wa Kata ya Songa wilayani Muheza mkoani Tanga,ameomba kuangaliwa uwezekano wa kujengewa kiwanda kidogo ili kuondoa changamoto hiyo kwa wakulima.

Ismail alisema kwamba, katika wilaya yao wamekuwa wakizalisha kwa wingi machungwa ya aina mbili huku akitaja Msasa na Valencia ingawa hapo awali pia walizalisha aina ya Jafa. 

Alisema kuwa, katika Kilimo hicho licha ya wananchi wengi kuhamasika lakini bado wamekosa kunufaika kwa kiasi kikubwa kutokana na matunda wanayolima kuozea Shambani. 

"Tumefanikiwa kuzalisha kwa wingi Machungwa ila kwa ukdsefu wa mashine ama kiwanda kidogo,mengi huozea mashambani na hivyo tunapata hasara" alisema Mkulima huyo.

Pamoja na hayo ameishauri Serikali kupitia Halmashauri yao kuwatumia maafisa ugani katika kuwapatia elimu kabla mkulima hajapata hasara ya kwa wadudu kushambulia mazao yao na hivyo kuwaepusha na uwezekano wa kupata hasara.

Hata hivyo,Mkulima Ismail alielezea kuridhishwa kwake na hatua za haraka zinazoendelea kuchukuliwa na maafisa ugani katika kuwafikishia dawa wakulima wa zao la matunda.

Mbali na kuzungumzia biashara ya machungwa, Ismail alisema kuwa pia wamekuwa na utaratibu wa kuandaa miche na kuiuza kwa watu wanaohitaji  akisema katika kipindi cha mwaka 2022/23 waliandaa miche mingi huku akiwashukuru maafisa ugani kwa kuwapelekea madawa.

Kwa upande wa masoko kwa ajili ya kuuzia mazao yao,Ismail aliitaja mikoa ya  Dar es salaam, Mbeya, Pwani na nchi jirani ya Kenya ingawa alilalamikia changamoto ya madalali wanaoteremsha bei jambo ambali linaleta shida kwa mkulima na kukosa kipato stahiki.

Mwisho.

Pichani ni mkulima wilayani Muheza akiwa kwenye maonyesho ya nanenane 2024.

NA SOPHIA WAKATI,MOROGORO

WAKATI uzalishaji wa Zao la Mkonge katika Halmashauri ya Mji Korogwe ukiongezeka huku Wakulima wengi wakihamasika kushiriki Kilimo hicho, mavuno yamekuwa chini ya kiwango kutokana na kukabiliwa na changamoto ya mashine ya uchakataji wa zao hilo.

Kutokana na hali hiyo, Serikali imeshauriwa kuangalia uwezekano wa kuwawezesha Wakulima wa Halmashauri ya Mji wa Korogwe kupata mashine hiyo 'Korona' hatua ambayo itawawezesha kushiriki Kilimo hicho kwa tija.

Mkuu wa idara ya Kilimo na Uvuvi wa Mji Korogwe, Ramadhani Amiri alisema kuwa kwenye mazao ya biashara wananchi wamehamasika katika kulima Mkonge ingawa wamekuwa wanakabiliwa na changamoto ya mashine ya uchakataji.

Alikuwa akishiriki maonesho ya Kilimo nane nane Mkoani Morogoro ambapo alieleza kuwa,iwapo Serikali itafanikiwa kuwawesesha wakulima kupata mashine hiyo ya Korona kwa ajili ya uchakataji uzalishaji utakuwa wenye kiwango stahiki na hivyo tija kuweza kuonekana.

Alisema kwamba, wengi wa wananchi wanaoshiriki Kilimo hicho wamekuwa wakitoka kwenye AMCOS akitaja ile ya Mgombezi na kwamba wakiwezeshwa uchumi wao utaimarika huku pato la Serikali nalo pia likiweza kuongezeka.

"Uzalishaji wa Mkonge umeongezeka, wakulima wanahamasika ila tuna changamoto ya mashine ya kuchakata Mkonge.Mavuno hufanyika chini ya kiwango" alisema Mkuu huyo wa idara ya Kilimo na uvuvi katika Halmashauri ya Mji Korogwe. 

Pamoja na hayo, Sekija alisema licha ya Korogwe kuwa Mji ila kuna maeneo ya kutosha kufanya uwekezaji akitaja suala la Viwanda vya matunda na kuwaomba wenye nia hiyo kuwekeza katika Halmashauri ya Mji huo wa Korogwe. 

"Wawekezaji wanakaribishwa...Korogwe ipo katikati na fursa ni nyingi kwa mfano watu wanaweza kufanya uwekezaji kwenye viwanda vya kuchakata matunda "alisema Sekija.

Sekija aliongeza kuwa hali ya miundombinu iliyoimarika akitaja barabara na mingineyo ni vitu ambavyo vinatoa fursa ya kumwezesha mwekezaji yeyote kuendesha shughuli anayohitaji pasipo kukabiliwa na changamoto ya aina yeyote.

Mwisho.

NA SOPHIA WAKATI,MOROGORO

HALMASHAURI ya Wilaya ya Handeni Mkoani Tanga imejidhatiti katika kutengeneza mazingira bora kwa Wafugaji wake hatua ambayo lengo lake ni kuwawezesha kupata mazao yenye ubora na hivyo tija kuweza kuongezeka.

Katika mikakati yao hiyo maeneo kadhaa yametengwa kwa ajili ya wafugaji zikiwemo hekta 22 zinazotumika kwa ajili ya kupata majani yanayotumika kama chakula cha mifugo hususani ng'ombe.

Mkuu wa idara ya kilimo  Ufugaji na Uvuvi Handeni Vijijini,Ibalila Chiza  anasema kuwa katika kuboresha sekta ya mifugo wanatekeleza zoezi la kuboresha Vinasaba kwa ng'ombe ambapo wanachagua ng'ombe bora wa kienyeji na kuwapandikiza na wale wa kisasa ili kupata matokeo bora.

Katika utaratibu huo, Chiza alisema wamefanikiwa kupata mbegu ya ndama wa miezi mitano akiwa na uzito 110 Kg hatua ambayo pia imesaidia kuongeza idadi ya wafugaji.

Hatua za namna hiyo zimeanza kuchukuliwa kwenye eneo la Msomera ambapi Halmashauri inaongeza nguvu ya ukusanyaji fedha kupitia mapato ya ndani kuboresha mifumo ya wafugaji

"Tumetenga maeneo na ranchi zipo kama tatu Handeni tunawakaribisha wawekezaji wa ndani waje kuwekeza kwenye mifugo"alisema Mkuu huyo wa idara ya Kilimo,Chiza. 

Ametaja faida zinazopatikqna kwa kutumia ng'ombe wa kisasa kuwa ni uzalishaji nyama na maziwa kwa wingi huku akitanabaisha kuwa upandikizaji ng'ombe kienyeji gharama zake ni zile za wastani.

Afisa huyo amemtolea mfano mmoja wa wakulima anayeitwa Shauri huko Kata ya Misima kwamba amepandikiza Ng'ombe 20 na 18 wamezaliwa na kwamba Mwaka mpya unaoanza zoezi litaendelea huku matarajio yakiwa kuwapoteza kabisa ng'ombe wasiokuwa na ubora.

Akizungumzia zao jingine la biashara wilayani Handeni kuwa ni Mkonge ingawa wanakabiliwa na changamoto ya ukosefu wa.mashine ya.kuchakata zao hilo na kupata bidhaa ya nyuzi bora zinazohitajika sokoni.

Pia alisema, wamekuwa wakijishughulisha na kilimo cha zao la matunda ambayo huingizia fedha nyingi Halmashauri ambapo wangetamani kuwa na kiwanda cha kuongeza thamani matunda.

Pamoja na hayo kuna zao mama la mahindi asilia linqlotukika kwa chakula na biashara ambapo kuna mwekezaji mmoja mwenye kiwanda cha nafaka bado anahitaji mwekezaji eneo hilo.

Mwisho.

NA SOPHIA WAKATI,MOROGORO

MENEJA mradi wa Shirika linalojihusisha na shughuli za utunzaji wa mazingira TFCG, Simon Lugazo amesema kwamba, kwa hivi sasa wanaendelea kuisaidia jamii kujua namna ya kunufaika na Misitu yao kwa kufanya uvunaji endelevu ambao pia utawasukuma kwenye kutunza.

Lugazo aliyasema hayo juzi katika mahojiano maalum na Gazeti hili akisema, katika mradi wao huo wamepata ufadhili kutoka Jumuiya ya Ulaya huku wakishirikiana na Serikali ya Jamhuri ya Muungano wa Tanzania. 

Mradi huo unatekelezwa katika wilaya za Handeni, Kilindi,  Mkinga na Pangani ambapo Lugazo alieleza kuwa maeneo hayo yanakabiliwa na changamoto ya uvunaji holela wa mkaa, migogoro ya mipaka, wakulima na wafugaji kukosa ushirikiano madhubuti.

Kuhusu ukosefu wa ushirikiano kati ya wakulima na wafugaji Lugazo alisema, upande mmoja wa wafugaji ulikuwa umesahaulika ambapo sasa wameanza kushirikisha il8 kuona kuwa mazingira ni sehemu ya maisha yao.

Elizabeth Fundi ni Mwananchi anayefanya kazi na mtabdao wa usimamizi misitu Mjumita alisema, wanashirikiana na TFCGgm ili kuleta suluhisho katika udumishaji wa misitu, kujengea uwezo kwa jamii zinazoishi jirani na misitu kwa kuwafundisha matumizi bora ya misitu,kuzalisha mkaa kwa njia nzuri usimamizi misitu.

Naye Zubeda Kihiyo alisema kwamba, kupitia Shirika la TFCG wamefanikiwa katika kuelimishwa namna ya kutatua migogoro na kuangalia kupinga ufugaji ndani ya misitu nk.

Alisema, elimu waliyoipata imeanza kuleta mabadiliko chanja kutokana na jamii kubadilika tofauti na ilivyokuwa hapo awali kwa vile wapo ambao wanazingatia suala zima la matumizi salama kwa misitu inayowazunguka.

Mwisho.

Pichani ni miongoni mwa wadau wa mazingira.

NA SOPHIA WAKATI,MOROGORO

HALMASHAURI ya Wilaya ya Lushoto Mkoani Tanga imejidhatiti katika kuwainua Wakulima wake baada ya kufanikiwa kupata mashine maalum ya kupima udongo ili kuzalisha mbegu bora zitakazowasaidia wananchi kuzalisha mazao yenye tija.

Mkurugenzi Mtendaji wa Halmashauri hiyo Ikupa Mwasyoge, alitoa taarifa hiyo jana katika maonyesho ya Nane nane yanayoendelea mkoani hapo ambapo alimshukuru Rais Dk. Samia Suluhu Hassan kwa kuwezesha mchakato huo.

Mwasyoge alikuwa akihudhuria maonesho ya Kilimo nane nane huko Mkoani Morogoro yenye Kauli mbiu inayosema "Chagua Viongozi bora wa Serikali za mitaa kwa maendeleo ya kilimo,mifugo na uvuvi".

Alisema, kuwa Serikali inayoongozwa na Rais Dk. Samia Suluhu Hassan kupitia Wizara ya Kilimo walitoa mafunzo kwa maafisa ugani ikiwa ni pamoja na kutoa mashine hiyo ya kupima udongo kwa Halmashauri yao.

Alisema udongo unapopimwa inasaidia katika zoezi la uzalishaji mbegu zenye ubora na hivyo wakulima kuzalisha mazao yenye ubora, akisisitiza kusema kuwa Serikali imejielekeza zaidi katika tafiti ili kuwawezesha wakulima kuendesha  kilimo kwa tija.

Pamoja na hayo Mwasyoge alisema, Serikali imewapatia fedha zilizowawezesha kujenga skimu za umwagiliaji huku maeneo mengine wakijenga mabwawa hatua ambayo inalenga kuwainua wakulima wake.

Aidha Kaimu Mkuu wa Idara ya Kilimo,mifugo na uvuvi wilayani Lushoto, George Medeye, alisema kwamba Jiografia ya Lushoto imewawezesha kulima mazao mbalimbali yakiwemo yale yasiopatikana kwenye maeneo mengine hapa nchini.

Alisema kwamba,wilaya yao imejikita zaidi katika matumizi ya teknolojia ili kuweza kunufaika huku akitanabaisha kwamba wamechukua zao la ngano kulifanya kuwa la mkakati ili kusaidia kuwainua wananchi kiuchumi na pia kuongeza mapato ya Serikali.

Kwa mujibu wa Mideyo vipaumbele vyao ni kuongeza tija kwenye uzalishaji Kilimo na Mifugo kwa kutumia mbinu za kisasa baada ya kupata huduma za ugani,akisema kuwa wanawawezesha wakukima kuzalisha muda wote baada ya kuboresha miundombinu. 

Ameishukuru Serikali ya awamu ya Sita chini ya Rais Dk. Samia Suluhu Hassan kwa kuwawezesha huku akisema kwamba wamekuwa wakifanya harakati mbalimbali kuhakikisha wakulima wanapata  masoko ya uhakika.

Mwisho.

DC HANDENI,WAKILI MSANDO AWAASA WAHITIMU MGAMBO JKT WAKAEPUKE KUSHAWISHIWA KUJIINGIZA KWENYE VITENDO VYA UHALIFU,,,

Pichani ni Mkuu wa wilaya ya Handeni,Wakili Albert Msando akiwaasa wahitimu katika hafla ya kufunga mafunzo kambi ya Mgambo kikosi cha 835 KJ kilichopo Kabuku wilayani Handeni mkoani Tanga.

NA SOPHIA WAKATI,HANDENI

WAHITIMU mafunzo ya Operesheni ya miaka 60 kujitolea kujenga taifa kikosi cha Mgambo JKT iliyopo wilayani Handeni wametakiwa kuyatumia vema mafunzo waliyopata huku wakiepuka kudanganywa kwa kushawishiwa ili kujiepusha kuingia kwenye vitendo vya uhalifu na hivyo kulisaliti Taifa lao.

Ushauri huo umetolewa na Mkuu wa wilaya ya Handeni,Wakili Albert Msando alipokuwa mgeni rasmi katika hafla ya kufunga mafunzo ya awali kwa wahitimu wa Mgambo JKT kikosi cha 835 KJ kilichopo Kabuku wilayani Handeni mkoani hapa.

Wakili Msando aliwaasa wahitimu hao akisema,wanapaswa kutumia vizuri mafunzo waliyopata na akiwasisitiza uadilifu na kukiishi kiapo walichoapa huku wakijilinda kwa kuepuka kushawishiwa na kutumikia kwenye uhalifu. 

Alisema, vijana hao ambao ni jeshi la akiba wanategemewa kuwa walinzi wazuri wa Taifa lao na kwamba itapendeza wakiepuka kuingizwa kwenye ushiriki wa vitendo viovu na kwamba atakayediriki kufanya hivyo sheria haitasita kuchukua mkondo wake.

Aidha Msando amewaasa vijana hao juu ya matumizi bora ya mtandao akisema ukuaji wa teknolojia umesababisha watu wengi kuingia kwenye matumizi ya Simu selula ambapo wengine wamekuwa wakitumia vibaya na wengine vizuri.

Amesema,wahitimu wa Mgambo JKT wanapaswa kutumia vizuri teknolojia ili iweze kuwanufaisha katika maisha yao huku Taifa nalo likiweza kupata faida badala ya kuitumia visivyo.

"Tuwe makini katika matumizi ya mitandao tutumie kwa faida zetu na Taifa letu"alisema Wakili Msando huku akishauri wahitimu hao wa mafunzo ya awali JKT kwa kujitolea kuendelea kulelewa badala ya kuachwa wenyewe.

Aidha ametumia nafasi hiyo kwa kuzishauri halmashauri za wilaya kuangalia uwezekano wa kuwatumia vijana hawa katika eneo la ukusanyaji mapato akisema Handeni ilishaanza kufanya hivyo na imepata mafanikio makubwa baada ya kufanikiwa kukusanya kwa asilimia 109 huku mwaka wa fedha ukiwa haujaisha.

Naye Mwakilishi wa Mkuu wa Majeshi Kanali Ernest Elias amewapongeza vijana hao wahitimu kwa kuitikia wito na kujituma kupokea mafunzo hadi kuweza kufikia katika viwango bora.

Alibainisha kuwa Serikali inaendelea kufanya maboresho imetoa fedha kiasi cha Shilingi million 570 zilizowezesha kuimarishwa kwa miundombinu hali ambayo imesababisha vijana wengi kupata nafasi ya kujiunga na kikosi cha Mgambo JKT.

''Tunaishukuru serikal inayoongozwa na Rais Samia Suluhu Hassan kwa kutoa fedha nyingi million 570 kwenye kambi ya Mgambo JKT,kuwezesha kufanya maboresho ya mabweni kuwezesha kupokea vijana wengi zaidi ya 900''Alisema Mwakilishi huyo wa mkuu wa Majeshi.

Awali,Kamanda wa kikosi cha Mgambo JKT,Lutten Kanal Raimond Hafrey Mwanry alisema kwamba vijana hao walianza kujiunga na mafunzo yao Desemba 27 mwaka 2023 ambapo wameiva na wako tayari kulitumikia taifa lao.

Mwisho.