COPRA YAJIPANGA KUONDOA CHANGAMOTO YA SOKO LA MAZAO KWA WAKULIMA

 

PICHA NI: Kaimu Mkuu wa Kanda ya Kaskazini wa COPRA, Fahamia Selemani akizungumza katika mdahalo wa wadau wa kilimo maonyesho ya chakula jijini Tanga.

NA SOPHIA WAKATI,TANGA

SERIKALI kupitia Wizara ya Kilimo, kwa kushirikiana na Wakala wa Udhibiti wa Nafaka na Mazao Mchanganyiko (COPRA), imeanza kuweka mikakati ya kuongeza thamani ya mazao ya nafaka mchanganyiko na kutafuta masoko ya uhakika ili kuwawezesha wakulima kunufaika zaidi na kilimo.

Hatua hiyo inalenga kukabiliana na changamoto za masoko zinazowakabili wakulima, ikiwemo kupoteza mazao kutokana na kukosa manunuzi, hali inayosababisha baadhi ya mazao yao kuoza yakiwa shambani.

Kaimu Mkuu wa Kanda ya Kaskazini wa COPRA, Fahamia Selemani, ametoa Kauli hiyo wakati wa mdahalo ulioshirikisha wadau mbalimbali katika maonyesho ya Chakula uliojadili masuala ya kilimo na masoko ya mazao.

Wakichangia mada katika mdahalo huo, Saumu Kipande, mkulima kutoka Malindi wilayani Lushoto, alilalamikia ukosefu wa masoko, akisema changamoto hiyo imechangia kuwasababishia mazao yao kuoza shambani kutokana na kukosa wanunuzi.

Nae Anisia Mauya mkulima kutoka Lushoto amelalamikia kukosa soko la uhakika inasababisha bidhaa ikiwemo mbogamboga kuozea shambani.

Aidha,watafiti kutoka Taasisi ya Utafiti wa Kilimo Tanzania (TARI) wameeleza mikakati ya kuleta teknolojia mbalimbali za uzalishaji na kuongeza thamani ya mazao ili kuimarisha usalama wa chakula na kuongeza manufaa ya kiuchumi kwa wakulima hapa nchini.

Mtafiti wa TARI, Joseph Mzunda, anayefanya kazi kituo cha Naliendele, alisema taasisi hiyo inaendelea na utafiti wa mazao mbalimbali, ikiwemo zao la tende, kwa kuanza na mikoa ya Dodoma na Singida yenye hali ya hewa ya joto na mvua chache.

Alisema tayari zimeingizwa mbegu aina nne za tende ambazo zimeanza kufanyiwa majaribio ili kubaini aina inazoweza kufanya vizuri mazingira ya mikoa hiyo.

Alibainisha baada ya kubaini aina zinazofaa, utafiti unaweza kupanuliwa kwa maeneo mengine, huku akieleza kuwa utafiti wa kawaida unaweza kuchukua hadi miaka 10, lakini matumizi ya teknolojia za kisasa yanapunguza muda huo hadi miaka sita au saba.

Aliongeza kuwa umwagiliaji unaweza kusaidia kufupisha mzunguko wa uzalishaji, huku akieleza kuwa kwa sasa watafiti wapo katika mchakato wa kukusanya takwimu na watazungumza zaidi baada ya takwimu hizo kukamilika.

Alisema wananchi wanapaswa kuwa na matumaini wakati watafiti wakiendelea na kazi ya kubaini aina za tende zitakazofanya vizuri katika maeneo yaliyolengwa.

Kuhusu umuhimu wa zao hilo, Mzunda alisema tende zina faida za kiuchumi na kiafya, zikiwemo virutubisho vinavyosaidia mwili, ubongo na mifupa, huku akieleza kuwa zao hilo linaweza kuwa chanzo cha chakula na kipato.

Kwa upande wake, mtafiti wa TARI, Gasper Ndumiliko, alisema taasisi hiyo imejipanga kuwaletea wananchi na washiriki wa maadhimisho hayo teknolojia mbalimbali zinazohusiana na uzalishaji wa chakula.

Alisema teknolojia hizo zinajumuisha matumizi ya mbegu bora na mbinu za kisasa za uzalishaji, ambazo ni muhimu katika kuongeza tija na kuhakikisha wakulima wanazalisha chakula cha kutosha.

Ndumiliko asema, teknolojia za mbegu bora zinazotolewa kupitia vituo vya utafiti vilivyopo nchini zinalenga kuimarisha uzalishaji wenye tija na kusaidia wakulima kupata chakula cha kutosha.

Alisema, watafiti wamewasilisha teknolojia za kuongeza thamani ya bidhaa mbalimbali za kilimo, hatua inayolenga kuongeza thamani ya mazao kiuchumi na kupunguza hasara zinazotokana na upotevu wa mazao.

Alisisitiza kuwa matumizi ya teknolojia hizo ni muhimu katika kuimarisha uzalishaji wa chakula na kuongeza manufaa ya kilimo kwa wakulima.
Mwisho.

WANANCHI WA PANGARAWE KATA YA GOMBERO WAMUOMBA MBUNGE WAO KUIWASAIDIA KUTATUA KERO YA ARDHI.

Picha ni miongoni mwa wananchi wa Pangarawe kata ya Gombero wilayani Mkinga wakizungumza na waandishi wa habari hawapo pichani.

NA SOPHIA WAKATI,MKINGA

MBUNGE wa Jimbo la Mkinga,Twaha Mwakioja amekusudia kuanza ziara kijiji kwa kijiji kusikiliza kero za wananchi hususani migogoro ya ardhi ili kuweza kuziwasilisha ngazi husika na kuzipatia ufumbuzi.

Hatua hiyo imekuja ikiwa ni siku chache baada ya wananchi wa kitongoji cha iPangarawe,Rubawa kijiji cha Gombero kuniandikia barua Mbunge wao wakilalamikia kukopwa mwa maeneo ya ardhi.

Kupitia barua hiyo,kwa Mbunge ambayo ambayo Uhuru nakala yake inayo wamezibainisha kero zinazowakabili kuwa ni kutoitishwa ya mapato na matumizi.

Katika mazungumzo yake kwa njia ya simu na mwandishi wa hii ,Mbunge Mwakioja alipotakiwa kutoa ufafanuzi juu ya kuzifahamu kero hizo alikiri kusikia miongoni.

Alidai kuwa amesikia miongoni na kwamba hajapata taarifa rasmi huku akiahidi kufanya kufanya mikutano ya kijiji kwa kijiji kusikiliza kero ili kupata ufumbuzi.

Akitoa ufafanuzi juu  wananchi wa kijiji Cha Gombero kitongoji cha Pangarawe kata ya Gombero wilayani Mkinga wakilalamikia ukosefu wa mikutano ya taarifa za mapato na matumizi, wakimtaka Mbunge wao kuingilia kati ili kupata utatuzi juu ya kero zinazowakabili ikiwemo migogoro ya ardhi.

Katika taarifa yao kwa waandishi wananchi hao walisema,Yusufu Hamisi na Iddi Ally walisema kwa kipindi kirefu sasa tangu 2025 licha ya kukabiliwa na kero mbalimbali lakini zimekosa kupata ufumbuzi.

Nae Kassim Hassani na Hadija Simba wakazi wa Pangarawe walisema, Rais Dk.Samia Suluhu Hassani anazamira nzuri kuleta mradi wa chuo cha Mzumbe Mkinga kuleta fursa kwa wananchi.

Walisema kuna suala la changamoto ya kutokufahamika kwa miradi iliyopo kwenye kijiji hicho,mipaka inashindwa kufahamika ilipoishia na hata kupitishwa na Wadau kijijini.

Kero nyingine ni Wananchi kutokufamishwa namna ambavyo watanufaika na mradi ujenzi chuo Kikuu cha Mzumbe licha ya kuwa wametoa eneo lao kwa ujenzi wa mradi huo.

Aidha kuna kero ya uuzwaji holela wa maeneo ya ardhi wakiwatuhumu baadhi ya viongozi wa Kijiji kushirikiana na madalali kuuza maeneo ya Wananchi hao ndani ya kitongoji cha Pangarawe.

Changamoto nyingine ni juu ya Wakazi wa Pangarawe,Rubawa na Mwamkongo kudai kupatiwa hadhi ya kijiji tangu mwaka 2025 na sintofahamu ya mipaka kati ya Tanga na Mkinga kwa lengo la Gombero ambapo wamedai kuwa mpaka huo umekuwa ukihama.
Mwisho. 

Miongoni mwa Wananchi wa Pangarawe kata ya kigombe wilayani Mkinga Mkoani Tanga wakilalamikia kero mbalimbali ikiwemo ya Ardhi

COPRA YANG’ARA SIKU YA CHAKULA DUNIANI KWA UBUNIFU WA KUONGEZA THAMANI YA MAZAO

“Tumepata tuzo ya ushindi kwa ubunifu tulioufanya. Tunastahili tuzo hii kwa sababu tumezingatia kaulimbiu ya mwaka huu inayosema Ubunifu wa leo, lishe bora ya kesho kuelekea Dira 2050,” alisema Sapanjo

NA SOPHIA WAKATI, TANGA
MAMLAKA ya Udhibiti wa Nafaka na Mazao Mchanganyiko (COPRA) imeibuka na ushindi katika maonesho ya Maadhimisho ya Siku ya Chakula Duniani baadae ya kupika Mtori wa kutuma  Choroko. ,Yaliyofanyika kitaifa katika viwanja vya Usagara,mkoani Tanga, baada ya kufanya shughuli mbalimbali za kibunifu zinazolenga kuongeza thamani ya mazao na kuboresha lishe.

Ushindi huo umetokana na ubunifu uliofanywa na COPRA, ikiwemo kuonesha mapishi ya vyakula vinavyotokana na jamii ya mikunde pamoja na kuwashirikisha wadau wanaojihusisha na kuongeza thamani ya mazao kuonesha bidhaa na kazi zao.

Alisema kupitia banda lao, walifanya shughuli mbalimbali za kibunifu, ikiwemo kuonesha mapishi ya vyakula vya jamii ya mikunde na kuwapa nafasi wadau wa kuongeza thamani ya mazao kuonesha kazi zao.

Sapanyu alieleza kuwa COPRA pia ilitumia maadhimisho hayo kuwakutanisha wadau wa minyororo ya thamani ya mazao ya viungo ili kusikiliza changamoto zinazowakabili na kutoa ufafanuzi kuhusu masuala mbalimbali yanayohusu sekta hiyo.

Alisema baadhi ya changamoto zilizowasilishwa na wadau zinahusu uzalishaji, uhifadhi na masoko ya mazao, ambazo zinahitaji kushughulikiwa ili kuwawezesha wakulima na wadau wengine kunufaika zaidi na shughuli zao.

Aliongeza kuwa COPRA inalenga kuimarisha minyororo ya thamani ya mazao yote inayoyasimamia, yakiwemo mazao ya viungo, kwa kuhakikisha yanazalishwa kwa ubora na kuwa na masoko.

"COPRA imejinga kuimarisja sekta ya kilimo,kuongeza thamani ya mazao,kusaka masoko ya uhakika ndani na nje ya nchi,kuondoa changamoto kukosa wanunuzi"alisema Martin.

Maadhimisho hayo yalifungwa Oktoba 16, 2026, na Mkuu wa Mkoa wa Tanga, Balozi Dk. Batilda Salha Burian, aliyemwakilisha Waziri wa Mifugo na Uvuvi, Balozi Dk. Bashiru Ally Kakurwa.
Mwisho.

MAONYESHO YA CHAKULA HALMASHAURI YA MUHEZA YAWATAKA WADAU WA KILIMO KUTUMIA FURSA

 

Picha wa pili Mkono wa kushoto ni Mkurugenzi Mtendaji wa Halmashauri ya Muheza : Naima Chondo akiwa katika maonyesho ya chakula duniani katika viwanja vya usagara jijini Tanga akiahamasisha wadau kujitokeza katika halmashauri hiyo kutumia fursa ya kilimo.

NA SOPHIA WAKATI,MUHEZA

MKURUGENZI Mtendaji wa Halmashauri ya Wilaya ya Muheza mkoani Tanga, Naima Bakari Chondo, amewakaribisha wadau, hususan wakulima, kutembelea wilaya hiyo ili kutumia fursa zilizopo katika sekta ya kilimo kuongeza uzalishaji.

Chondo amesema wilaya ya Muheza ina ardhi yenye rutuba na hali nzuri ya hewa, ambazo ni miongoni mwa fursa zinazoweza kutumiwa na wakulima kuongeza uzalishaji wa mazao mbalimbali ya nafaka.

Ametoa wito huo wakati wa kilele cha Maadhimisho ya Siku ya Chakula Duniani Kitaifa yaliyofanyika Viwanja vya Usagara vilivyopo jijini Tanga, ambapo Halmashauri ya Wilaya ya Muheza iliweza kushiriki kwa kuweka banda la maonesho.

Kauli mbiu ya Siku ya chakula duniani Kitaifa kwa mwaka huu inasema" ubunifu wa leo lishe bora ya kesho kuelekea Dira 2050".

Alizungumzia zaidi sekta ya Kilimo, Mkurugenzi huyo alisema kuwa,anajivunia nafasi ya Muheza katika uzalishaji wa mazao ya viungo na kusisitiza kuwa wilaya hiyo ina fursa zinazoweza kuvutia wadau zaidi kuwekeza katika kilimo cha mazao ya aina mbalimbali.

Chondo pia ameeleza kufurahishwa na ushindi uliopatikana na halmashauri hiyo katika maadhimisho hayo, akisema ilistahili kupata tuzo hiyo.

Amesisitiza kuwa matumizi ya fursa zilizopo katika sekta ya kilimo yanaweza kuwawezesha wakulima kuongeza uzalishaji na kunufaika zaidi na shughuli zao.

Maadhimisho hayo yalifungwa Oktoba 16, 2026, na Mkuu wa Mkoa wa Tanga, Balozi Dk. Batilda Salha Burian, aliyemwakilisha Waziri wa Mifugo na Uvuvi, Balozi Dk. Bashiru Ally Kakurwa.
Mwisho. 

VODACOM KURUDISHA FAIDA INAYOPATIKANA KWA JAMII KUPITIA MCHEZO WA REDE

 

 

Pichani ni Meneja masoko wa Kampuni ya Vodacom Tanga,Dalton Mgina amesema ufadhili huo unakuja kupitia mchezo wa Ready.

Na Sophia Wakati, Tanga

KUPITIA mchezo wa Ready Kampuni ya Simu za mkononi ya Vodacom Mkoani Tanga imeanza kurejesha faida wanayopata katika kusaidia huduma za kijamii.

Hatua hiyo ni sehemu ya mchango wa Vodacom kutokana na faida wanazopata kupitia bidhaa zake.

Meneja masoko wa Kampuni ya Vodacom Tanga,Dalton Mgina amesema ufadhili huo unakuja kupitia mchezo wa Ready.
 
"Tumeanza na kata ya Duga na leo kata ya Nguvumali ambayo imeshirikisha jumla timu 20.katika Bonanza hilo "alisema Meneja masoko huyo wa jiji la Tanga Mgina.

Kwa mujibu wa Meneja masoko Mgina, huko katika kata ya Nguvumali ,mchezo wa Ready ulioifanyika shule ya Gofu juu na aliueibuka mshindi ni timu ya Dadas alizawadiwa tsh. 70,000/-.

Mshindi wa pili katika michezo hiyo ni Nguvumali Princes aliyepata Shilingi 50,000/- na washindi wengine ni Sophia Yohana aliyeibuka mshindi kukuna Nazi.

Washindi wengine ni yule aliyepatikana kwa kunywa Soda Hassan Juma,kutoka chuo Cha fundi Veta,,kukuna nazi ni Sophia Yohana,kula Ndizi Joving Swai kutoka chuo Cha Veta ambayo wamepata pesa tasilimu.
Mwisho. 

WADAU WA MASHINDANO YA DUVII RAMADHANI CUP 2026 KASERA YATUMIKA KUINUA UCHUMI KWA WAJASIRIA MALI,,,

Picha ni Mratibu wa mashindano hayo,Gidion Zumba amesema kuwa mashindano ya Duvii Ramadhani Cup 2026 kusaka washindi mbalimbali huku kufanyika usiku wilayani hapo,lengo kusaka washindi watatu ambao watapata medani na pesa tasilimu.

Na Sophia Wakati,Mkinga

TIMU za soka 48 zimejitokeza wilayani Mkinga mkoani Tanga kushiriki mashindano ya Duvii Ramadhani CUP 2026 kuwania zawadi mbalimbali ikiwemo pesa tasilimu.

Mratibu wa mashindano hayo,Gidion Zumba amesema kuwa mashindano hayo ambayo niya kwanza kufanyika usiku wilayani hapo,lengo kusaka washindi watatu ambo watapata medani na pesa tasilimu.

Alisema kwamba mshindi wa kwanza katika mashindano hayo atakabiziwa pesa tasilimushilingi million 2,000,000,mshindi wa pili million 1,000,000 na watatu 500,000 .

Aidha alibainisha kueleza kwamba zawadi nyingine   ni mchezaji bora shilingi 200.000,mfungaji bora shilingi 200,000 na kipa bora 100,000 sambamba na kupatiwa medani.

Mratibu Zumba alisema kuwa mashindano hayo yanafanyika usiku katika uwanja wa soka Kasera  wilayani hapo kwa mtindo wa mtoano.

'' Mashindano haya yalipangwa kufanyika mwaka jana kwa kuweka maandalizi ya uwanja,lakini kutokana na kujitokeza sababu mbalimbali ilishindikina na kupelekea kufanyika mwaka huu 2026''alisema Mratibu huyo Zumba.

Mratibu Zumba alisema mashindano mbalimbali yamewahi kufanyika katika tarafa mbalimbali yakifahamika kwa jina la Samia Mkinga Cup 2025 ambayo yalishirikisha timu 126 washindi walipata mnyama ng'ombe, mbuzi,jezi na pesa tasilimu.

Katika mashindano hayo yakiendelea kufanyika timu shiriki katika mashindano hayo, zimekuwa zikinufaika na jezi,mipira na pesa tasilimu 100,000 ikiwa ni sehemu ya maandalizi.

Alisema michuano hiyo ya Samia Cup ambayo yalisaidia kupata timu nane bora kila tarafa ambapo walipatikana mshindi alipata shilingi 1,000,000 na ng'ombe,wa pili mbuzi na 500,000 huku wa tatu akizawadiwa 300,000 na mshindi wanne 100,000.

Hata hivyo,Mratibu Zumba alisema michezo ni muhimu sana kwani husaidia vijana kuweza kujiajiri,kupata kipato na kuweza kuondokana na kujiingiza kwenye makundi hatarishi kupoteza ndoto zao.

''Mashindano ya Duvii Ramadhani Cup hayana kiingilio hivyo amewataka vijana kutumia fursa hiyo kuonyesha vipaji vyao ili kuweza kuonekana''alisema Mratibu huyo Zumba.

Mwisho.

Na Sophia Wakati,Mkinga

WADAU wa michezo Kasera wilayani Mkinga wamempongeza mdhamini wa mashindano ya Duvii Ramadhani Cup ambayo yanasaidia kuleta faraja kwa wananchi.

Mwenyekiti wa Timu ya Soft Toch yenye masikani yake Kasera wilayani Mkinga,Said Kassim amesema michuano hiyo imekuwa mkombozi kuamsha ari kwa jamii.

Amesema kwamba timu hiyo imeshirikisha vijana kutoka maeneo mbalimbali ya Mkinga lengo kuonyesha vipaji na kuwania zawadi zilizopo.

Said amesema mashindano hayo ambayo yanafanyika usiku niya kwanza yametokea kukubalika kwa wadau ikiwemo vilabu.

''Mashindano ya Duvii Ramadhani Cuo 2026 yameweza kusaidia kuonyesha vipaji mbambali vya michezo vilivyopo wilayani Mkinga kwani tumekuwa tukishuhudia mashindano ya usiku maeneo mengine.

''Kwa mashindano haya tunampongeza mdhamini wa mashindano haya Duvii na muandaaji wake Zumba kuleta burudani hizi kwa vijana kutoka wilaya ya Mkinga''alisema Mwenyekiti wa timu ya Soft Said.

Hata hivyo,amesema tayari vijana wamepata uzoefu na mechi za usiku pia amewataka wadau wa michezo kuendelea kumuunga mkono mdhamini na mwandaaji ili kuweza kuwa endelevu kufanyika wilayani hapo.

Mwisho.

Timu ya soka Mtundani imepata nafasi ya kusonga mbele mashindano ya Duvii Ramadhani Cup baada ya kuifunga wapinzani wao Veterani kwa kwa goli 1-0.

Mchezo huo wa mwendelezo wa vuta nikuvute kwa pazo zote kuonyesha vipaji vya mchezo wa soka,umefanyika saa 10 jioni katika uwanja wa soka Kasera uliopo wilayani Mkinga,

Mtundani imefanikiwa kuandika goli lake mnamo dakika ya 21 kupitia kinara wa timu hiyo,Athumani Mwarasi ambalo limeweza kudumu mpaka dakika 90 mwisho wa mchezo huo.

Mwisho.

Mwenyekiti wa kitongoji Kasera,Rajabu Juma amesema mashindano ya Duvii Ramadhani Cup yamekuwa chachu kwa kina kuyatumia kufanya biashara mbalimbali.

Amesema Wakinamama wananufaika kufanya biashara ndogondogo kwa kiwango kikubwa na hufanyika muda mzuri usiku ambapo niyakwanza kufanyika na kuwavutia wadau wengi.

Pia ametumia nafasi hiyo kumuomba mdhamini wa mashindano hayo Rashid Duvii kuwa endelevu kufanyika kila mwaka ili wananchi waweze kufanya biashara na vijana kuweza kuibua vipaji vyao.

Mwenyekiti huyo wa kitongoji,Rajabu ameomba kufanyika maboresho ya kiwanja hicho ili kuwezesha kuzishu 

MGOMBEA UBUNGE CCM,NJAMA MPENI KURA ZA KISHINDO MGOMBEA URAIS DKT.SAMIA SULUHU HASSANI KULIPA FADHILA,,

 Picha ambaye ameshika kipaza sauti ni.

Mgombea Ubunge wa Jimbo la Korogwe Mjini kupitia CCM, Charles Njama amesema, Mgombea urais Dkt. Samia Suluhu Hassan ameweza kutekeleza miradi mengi mingi ya maendeleo ya Wananchi hivyo kuna kila sababu ya kulipwa mema kwa kupigiwa kura nyingi za kishindo.

Njama ameyasema hayo katika mkutano wa hadhara uliofanyika Kata ya Kwamsisi,amesema Rais Dkt Samia ametoa fedha nyingi kwenye Kata hiyo kwa ajili ya miradi ya maendeleo hivyo akipatiwa Kura nyingi kwenye uchaguzi ujao itamsukuma kuongeza kasi ya kusukuma miradi mingi kwa wananchi .

'' Ikifika Oktoba 29 mjitokeze kwenda kupiga kura,tena muwashawishi na kuwahimiza wenzenu wengine kwenda kupiga kura,tukampe kura nyingi za kishindo Rais Dkt Samia Suluhu Hassan ''alisema mgombea huyo wa ubunge Jimbo la Korogwe Mjini kupitia Chama Cha Mapinduzi CCM.

Mbali na hayo Njama alisema kwamba,atakapoingia madarakani miongoni mwa vipaumbele vyake ni pamoja na kushirikiana na vijana katika kuinua uchumi kwa kuwawezesha mitaji sanjari na matumizi ya sekta ya michezo na sanaa kuongeza kipato.

Aliongeza kuwa Serikali ya Awamu ya sita imetoa fedha nyingi kwa ajili ya maendeleo ya Wananchi huku akitaja ujenzi mradi wa Kilimo cha umwagiliaji kwa wakazi wa Kata ya Kwamsisi, mradi ambao utasaidia kukuza uchumi kwa wananchi.

''Shilingi bilioni 24.5 zimeletwa na Rais Dkt Samia kwa ajili ya bonde la kilimo.Kupitia bonde hili mtalima na kuvuna kwa wingi na kuuza kwenye soko la ndani na hata nje''alisema Njama huku akishangiliwa na Wananchi waliohudhuria mkutano huo wa kampeni.

Aidha Njama alisema,pindi mradi huo utakapoanza kutekelezwa atahakikisha kwamba kipaumbele cha ajira hususani zile za muda wanazungumza na kukubaliana na mkandarasi ili shughuli hiyo kupewa wenyeji.

Picha ni Mgombea wa kata ya Kwamsisi wilayani Korogwe,Nassoro Mohamed akiwa kwenye mkutano wa kampeni, akimuombea Kura Rais Dkt. Samia Suluhu Hassan akisema ni Kiongozi aliyefanikiwa kutekeleza ilani ya CCM kwa asilimia 100.

Picha ni Mjumbe wa kamati ya siasa ya Korogwe Mjini,Omari Mahanyu akizungumza kwenye mkutano wa kampeni shule ya msingi Kwakombo kata ya Kwamsisi alisema,Wananchi wanakila sababu kuwachagua wagombea wanaotoka Chama Cha Mapinduzi CCM kwa maelezo kuwa ndicho chenye Ilani inayotekelezeka.

Aidha,amewasihi Wananchi wa Kata ya Kwamsisi kuhakikisha kwamba ifikapo Oktoba 29 mwaka huu wanamchagua Rais Dkt Samia Suluhu, Mbunge Charles Njama na diwani Nassoro Mohamed.

Pichani ni mashabiki wakiburudika kwenye mkutano wa kampeni wa CCM.