SERIKALI IMEANZA KUTEKELEZA MPANGO WA BIMA YA AFYA KWA WOTE

Picha ni Meneja wa Bima ya afa mkoa wa Tanga,Evans Nyangasa akiwasilisha taarifa yake mpango uliopo kuhahakikisha walengwa wanapata kado za bima kwa wote.

 NA SOPHIA WAKATI,HANDENI

SERIKALI imeanza kutekeleza mpango wa Bima ya Afya kwa Wote, huku Mkoa wa Tanga ukilenga kusajili kaya 27,233 zenye jumla ya wanufaika 59,552 katika awamu ya pili ya mpango huo.

Katika awamu hiyo, kaya zisizo na uwezo wa kifedha pamoja na kaya zenye uwezo zitasajiliwa kwa wakati mmoja ili kuwawezesha wananchi kupata huduma za matibabu kwa uhakika na kwa wakati wanapozihitaji.

Katika taarifa yake kwenye uzinduzi wa zoezi la usajili uliofanyika Mkata Mashariki, wilayani Handeni, Meneja wa Bima ya afya (NHIF) Mkoa wa Tanga, Evans Nyangasa amewataka wananchi kujitokeza kwa wingi kujiunga na mpango huo.

Alisema, mfuko wa Taifa wa Bima ya Afya (NHIF) Mkoa wa Tanga katika awamu ya kwanza ya mpango wa uhakiki na uandikishaji wa kaya zisizo na uwezo, jumla ya kaya 10,189 ziliandikishwa na kupewa kadi za matibabu.

Alisema kwamba,idadi hiyo ni sawa na asilimia 75% ya kaya 13,100 ambazo zilikuwa zimelengwa kutoka katika halmashauri zote za Mkoa huo wa Tanga.

Alieleza kuwa zoezi hilo lilifanyika kuanzia Februari 3 hadi Septemba 30, 2026, na kwamba katika awamu ya pili mkoa unalenga kusajili kaya 27,233 zenye wanufaika 59,552.

Alisema utekelezaji wa mpango huo utahusisha uandikishaji wa wanufaika wa Mpango wa Kunusuru Kaya Maskini (TASAF), kwa kushirikiana na Ofisi ya Mkuu wa Mkoa, halmashauri, waratibu wa TASAF, Wizara ya Afya, waratibu wa bima ya afya na wahudumu wa afya ngazi ya jamii.

Kwa mujibu wa meneja huyo, amesema tayari NHIF imepata mdau wa maendeleo, GIZ Tanzania, aliye tayari kufadhili zoezi hilo la awamu ya pili, likianzia Halmashauri ya Wilaya ya Kilindi.

Alisema zoezi hilo linatarajiwa kuanza Novemba 2 mwaka huu.

Meneja huyo aliongeza kuwa NHIF itaendelea kushirikiana na wadau katika usajili na utoaji wa kadi za matibabu, pamoja na kuhakikisha taarifa za walengwa zinatambuliwa na kuthibitishwa ili wanaostahili wanufaike na huduma hizo.

Alisema mfuko huo unaendelea kutoa elimu kwa umma kuhusu umuhimu wa bima ya afya, taratibu za kupata kadi na namna ya kuzitumia katika vituo vyote vya kutolea huduma za afya vilivyosajiliwa ndani na nje ya mkoa wa Tanga.

Aliwaomba viongozi wa mkoa, halmashauri, watendaji wa mitaa na viongozi wa ngazi nyingine kushiriki katika uhamasishaji ili kuhakikisha kuwa walengwa wanapata taarifa na kujitokeza kwa ajili ya kufanya uhakiki na usajili.

Aidha, alizitaka halmashauri kuhakikisha kwamba taarifa za walengwa zinathibitishwa kwa wakati, huku vituo vya kutolea huduma za afya vikiimarisha maandalizi ya kutoa huduma bora kwa wanufaika wa mpango huo.

Kaimu Katibu tawala wa Mkoa wa Tanga Amina Said alisema bima ya afya ina umuhimu mkubwa katika kupunguza mzigo wa gharama za matibabu kwa familia na Serikali, huku ikiimarisha usawa katika upatikanaji wa huduma za afya.

“Afya bora huwawezesha wananchi kushiriki katika shughuli za uzalishaji na hivyo kukuza uchumi. Bima ya afya inapunguza mzigo wa matibabu kwa familia na hata Serikali,” alisema Amina.

Aliongeza kusema kuwa bima hiyo inatoa fursa ya kupata huduma za afya kwa wakati bila kujali uwezo wa kifedha wa wananchi, sambamba na kuongeza usawa katika upatikanaji wa huduma, ikiwemo za kibingwa katika ngazi mbalimbali za vituo vya afya.

Alisema Serikali imeanza rasmi kutekeleza Sheria ya Bima ya Afya kwa wote Februari 2026, ikiwalenga pia wananchi wa makundi maalumu wasio na uwezo, wakiwemo wazee, watoto, wajawazito na wenye ulemavu.

Alisema Serikali imetoa fedha kwa ajili ya kugharamia makundi hayo ili kuhakikisha yanapata huduma za matibabu na ahueni sawa na makundi mengine yenye kipato.

Aidha, aliwataka wananchi kuchangamkia fursa ya kujiunga na bima hiyo kwa kuchangia Sh 150,000 kwa kila kaya yenye watu wasiozidi sita akisisitiza kuwa afya ni msingi wa maendeleo ya mtu mmoja mmoja, familia na taifa.

Akizungumzia tahadhari za kiafya na mazingira, Amina aliwataka wananchi kuzingatia usafi wa mazingira kutokana na taarifa za uwezekano wa kutokea kwa mvua za El Nino, aliwashauri wanaoishi kwenye maeneo ya mabondeni kuhama mapema ili kujikinga na athari zinazoweza kujitokeza.

Alisema hatua hizo ni muhimu.

JIJI LA TANGA LAJIPAMBANUA KATIKA MAPAMBANO YA DAWA ZA KULEVYA

 

Picha ambaye amesimama mi mgeni rasmi,Naibu Meya wa jiji la Tanga,Kjald Rashid akiwataka washiriki wa semina hiyo kwenda kuyatumia kupambana na madawa ya kulevya.

Na Sophia Wakati,TANGA

MAPAMBANO dhidi ya dawa za kulevya yanahitaji ushiriki wa watu wote hatua ambayo pia itawezesha kusaidia komesha vita vitendo hivyo vunavyodhoofisha nguvu kazi halmashauri ya Jiji la Tanga.

Hayo yamesekwa na Naibu Meya wa Jiji la Tanga Khalid Rashid ambaye pia ni Diwani Kata ya Mwazange alipokuwa akifunga semina ya mafunzo ya siku tano kwa Wadau mbalimbali wa maendeleo katika Jiji la Tanga.

Rashid alisema kwamba vita dhidi ya dawa za kulevya ni wajibu ws wote na katika kipindi cha miaka mitano Meya wa halmashauri ya Jiji la Tanga Mhina Mustapher Selebos hakuna kitakachoshindikana.

 Katika semina hiyo iliyofanyika katika Ukumbi wa Red Cross Jijini Tanga chini ya uratibu wa asasi ya Gift of Hope iliwashirikisha walimu, maafisa maendeleo ya jamii, maafisa Vijana,wakuu wa taasisi na waandishi wa habari Jijini humo.

Lengo la semina hiyo ya mafunzo ni kiwajengea uwezo katika kupambana na dawa za kulevya Jijini Tanga na hivyo kulifanya eneo hili kuwa salama wakati wote.

Katika hotuba yake Naibu Meya Rashid alisisitiza ushiriki wa kila mmoja katika mapambano hayo ya dawa za kulevya akisema kwa kufanya hivyo itasaidia kukomesha vitendo hivyo haramu kuendelea.

Alisema,bado hali siyo nzuri katika halmashauri ya Jiji la Tanga licha ya harakati mbalimbali kuendelea kufanyika ambapo sasa ushirikiano wa kila mmoja ndio unaohitajika.

"Naamini mafunzo haya ya siku tano mmeyapata kikamilifu,msiende kuyafungia kwenye makabati ,muende mkaielikishe jamii juu ya madhara ya dawa za kulevya"alisema Naibu Meya huyo wa Jiji la Tanga.

Naibu Meya huyu alisema jiografia ya Jiji hili la Tanga akitaja mpaka na nchi jirani ya Kenya na Bandari ni moja ya mambo yanayochangia wahalifu kutumia mianya hiyo kuingiza dawa hizo za kulevya.

Hata hivyo alisema,wahalifu wanapaswa kuachana na biashara hiyo kwa maelezo kuwa vyombo vya ulinzi na usalama vinafanya kazi usiku na mchana katika kukomesha vitendo hivyo haramu.

Aidha Naibu Meya Rashid alisema kuwa kazi hiyo ya kupiga vita dawa za kulevya sio ya jeshi la polisi peke yake ni ya jamii nzima akiwataka Wananchi, viongozi wa Serikali kwenye mitaa na Wadau mbalimbali kuona ni jukumu lao.

Ameipongeza asasi ya Gift of Hope kwa kazi nzuri wanaoendelea kuzifanya ya kupiga dawa za kulevya akisema inapaswa kuendelea kuungwa mkono katika utekelezaji wa majukumu yake.

Akionesha msisitizo juu ya umuhimu wa kushirikiana kwenye vita hivyo Rashid alisema,ujio wa miradi mingi ya kimkakati Jijini Tanga unategemea uwepo wa nguvu kazi imara na kwamba kinyume chake tija haitaonekana.

Alisema,Rais Dkt Samia Suluhu Hassan ameleta miradi mingi ya kimkakati inayohitaji Vijana wenye afya njema wasiotumia dawa za kulevya ili kuweza kushiriki kwenye kazi zilizopo na kwamba wasipobadilika watatumika wageni.

Diwani wa kata ya Duga Japhari Mohamed ambaye ni Mwenyekiti wa kamati ya elimu,uchumi na afya aliyeshiriki mafunzo hayo alipongeza asasi ya Gift of Hope kwa jitihada zake za kukomesha daawa za kulevya akisema ameridhushwa na mafunzo aliyoyaoata yatakayosaidia jamii.

Naye Mwalimu Yahaya Bakari alisema, mafunzo hayo yamemuongezea maarifa yatakayomsaidia kusimamia vizuri nidhamu kwa wanafunzi hasa pale ishara mbaya zinapoanza kutokea.

Afisa ustawi Farida Adamjee alisema, kupitia semina hiyo amejifunza mambo mengi ambayo ni changamoto zinazoikabili jamii ,akisema atakwenda kuyatumia katika kujenga jamii iliyo bora huku akiipongeza asasi ya Gift of Hope.

Pia Msaikolijia Nancy Titus alisema, ameweza kujifunza mambo mengi likiwemo suala la kushirikiana na watu wa kada mbalimbali ikiwa hatua muhimu ya kupambana na dawa hizo haramu.

Mwisho.

COPRA YAJIPANGA KUONDOA CHANGAMOTO YA SOKO LA MAZAO KWA WAKULIMA

 

PICHA NI: Kaimu Mkuu wa Kanda ya Kaskazini wa COPRA, Fahamia Selemani akizungumza katika mdahalo wa wadau wa kilimo maonyesho ya chakula jijini Tanga.

NA SOPHIA WAKATI,TANGA

SERIKALI kupitia Wizara ya Kilimo, kwa kushirikiana na Wakala wa Udhibiti wa Nafaka na Mazao Mchanganyiko (COPRA), imeanza kuweka mikakati ya kuongeza thamani ya mazao ya nafaka mchanganyiko na kutafuta masoko ya uhakika ili kuwawezesha wakulima kunufaika zaidi na kilimo.

Hatua hiyo inalenga kukabiliana na changamoto za masoko zinazowakabili wakulima, ikiwemo kupoteza mazao kutokana na kukosa manunuzi, hali inayosababisha baadhi ya mazao yao kuoza yakiwa shambani.

Kaimu Mkuu wa Kanda ya Kaskazini wa COPRA, Fahamia Selemani, ametoa Kauli hiyo wakati wa mdahalo ulioshirikisha wadau mbalimbali katika maonyesho ya Chakula uliojadili masuala ya kilimo na masoko ya mazao.

Wakichangia mada katika mdahalo huo, Saumu Kipande, mkulima kutoka Malindi wilayani Lushoto, alilalamikia ukosefu wa masoko, akisema changamoto hiyo imechangia kuwasababishia mazao yao kuoza shambani kutokana na kukosa wanunuzi.

Nae Anisia Mauya mkulima kutoka Lushoto amelalamikia kukosa soko la uhakika inasababisha bidhaa ikiwemo mbogamboga kuozea shambani.

Aidha,watafiti kutoka Taasisi ya Utafiti wa Kilimo Tanzania (TARI) wameeleza mikakati ya kuleta teknolojia mbalimbali za uzalishaji na kuongeza thamani ya mazao ili kuimarisha usalama wa chakula na kuongeza manufaa ya kiuchumi kwa wakulima hapa nchini.

Mtafiti wa TARI, Joseph Mzunda, anayefanya kazi kituo cha Naliendele, alisema taasisi hiyo inaendelea na utafiti wa mazao mbalimbali, ikiwemo zao la tende, kwa kuanza na mikoa ya Dodoma na Singida yenye hali ya hewa ya joto na mvua chache.

Alisema tayari zimeingizwa mbegu aina nne za tende ambazo zimeanza kufanyiwa majaribio ili kubaini aina inazoweza kufanya vizuri mazingira ya mikoa hiyo.

Alibainisha baada ya kubaini aina zinazofaa, utafiti unaweza kupanuliwa kwa maeneo mengine, huku akieleza kuwa utafiti wa kawaida unaweza kuchukua hadi miaka 10, lakini matumizi ya teknolojia za kisasa yanapunguza muda huo hadi miaka sita au saba.

Aliongeza kuwa umwagiliaji unaweza kusaidia kufupisha mzunguko wa uzalishaji, huku akieleza kuwa kwa sasa watafiti wapo katika mchakato wa kukusanya takwimu na watazungumza zaidi baada ya takwimu hizo kukamilika.

Alisema wananchi wanapaswa kuwa na matumaini wakati watafiti wakiendelea na kazi ya kubaini aina za tende zitakazofanya vizuri katika maeneo yaliyolengwa.

Kuhusu umuhimu wa zao hilo, Mzunda alisema tende zina faida za kiuchumi na kiafya, zikiwemo virutubisho vinavyosaidia mwili, ubongo na mifupa, huku akieleza kuwa zao hilo linaweza kuwa chanzo cha chakula na kipato.

Kwa upande wake, mtafiti wa TARI, Gasper Ndumiliko, alisema taasisi hiyo imejipanga kuwaletea wananchi na washiriki wa maadhimisho hayo teknolojia mbalimbali zinazohusiana na uzalishaji wa chakula.

Alisema teknolojia hizo zinajumuisha matumizi ya mbegu bora na mbinu za kisasa za uzalishaji, ambazo ni muhimu katika kuongeza tija na kuhakikisha wakulima wanazalisha chakula cha kutosha.

Ndumiliko asema, teknolojia za mbegu bora zinazotolewa kupitia vituo vya utafiti vilivyopo nchini zinalenga kuimarisha uzalishaji wenye tija na kusaidia wakulima kupata chakula cha kutosha.

Alisema, watafiti wamewasilisha teknolojia za kuongeza thamani ya bidhaa mbalimbali za kilimo, hatua inayolenga kuongeza thamani ya mazao kiuchumi na kupunguza hasara zinazotokana na upotevu wa mazao.

Alisisitiza kuwa matumizi ya teknolojia hizo ni muhimu katika kuimarisha uzalishaji wa chakula na kuongeza manufaa ya kilimo kwa wakulima.
Mwisho.

WANANCHI WA PANGARAWE KATA YA GOMBERO WAMUOMBA MBUNGE WAO KUIWASAIDIA KUTATUA KERO YA ARDHI.

Picha ni miongoni mwa wananchi wa Pangarawe kata ya Gombero wilayani Mkinga wakizungumza na waandishi wa habari hawapo pichani.

NA SOPHIA WAKATI,MKINGA

MBUNGE wa Jimbo la Mkinga,Twaha Mwakioja amekusudia kuanza ziara kijiji kwa kijiji kusikiliza kero za wananchi hususani migogoro ya ardhi ili kuweza kuziwasilisha ngazi husika na kuzipatia ufumbuzi.

Hatua hiyo imekuja ikiwa ni siku chache baada ya wananchi wa kitongoji cha iPangarawe,Rubawa kijiji cha Gombero kuniandikia barua Mbunge wao wakilalamikia kukopwa mwa maeneo ya ardhi.

Kupitia barua hiyo,kwa Mbunge ambayo ambayo Uhuru nakala yake inayo wamezibainisha kero zinazowakabili kuwa ni kutoitishwa ya mapato na matumizi.

Katika mazungumzo yake kwa njia ya simu na mwandishi wa hii ,Mbunge Mwakioja alipotakiwa kutoa ufafanuzi juu ya kuzifahamu kero hizo alikiri kusikia miongoni.

Alidai kuwa amesikia miongoni na kwamba hajapata taarifa rasmi huku akiahidi kufanya kufanya mikutano ya kijiji kwa kijiji kusikiliza kero ili kupata ufumbuzi.

Akitoa ufafanuzi juu  wananchi wa kijiji Cha Gombero kitongoji cha Pangarawe kata ya Gombero wilayani Mkinga wakilalamikia ukosefu wa mikutano ya taarifa za mapato na matumizi, wakimtaka Mbunge wao kuingilia kati ili kupata utatuzi juu ya kero zinazowakabili ikiwemo migogoro ya ardhi.

Katika taarifa yao kwa waandishi wananchi hao walisema,Yusufu Hamisi na Iddi Ally walisema kwa kipindi kirefu sasa tangu 2025 licha ya kukabiliwa na kero mbalimbali lakini zimekosa kupata ufumbuzi.

Nae Kassim Hassani na Hadija Simba wakazi wa Pangarawe walisema, Rais Dk.Samia Suluhu Hassani anazamira nzuri kuleta mradi wa chuo cha Mzumbe Mkinga kuleta fursa kwa wananchi.

Walisema kuna suala la changamoto ya kutokufahamika kwa miradi iliyopo kwenye kijiji hicho,mipaka inashindwa kufahamika ilipoishia na hata kupitishwa na Wadau kijijini.

Kero nyingine ni Wananchi kutokufamishwa namna ambavyo watanufaika na mradi ujenzi chuo Kikuu cha Mzumbe licha ya kuwa wametoa eneo lao kwa ujenzi wa mradi huo.

Aidha kuna kero ya uuzwaji holela wa maeneo ya ardhi wakiwatuhumu baadhi ya viongozi wa Kijiji kushirikiana na madalali kuuza maeneo ya Wananchi hao ndani ya kitongoji cha Pangarawe.

Changamoto nyingine ni juu ya Wakazi wa Pangarawe,Rubawa na Mwamkongo kudai kupatiwa hadhi ya kijiji tangu mwaka 2025 na sintofahamu ya mipaka kati ya Tanga na Mkinga kwa lengo la Gombero ambapo wamedai kuwa mpaka huo umekuwa ukihama.
Mwisho. 

Miongoni mwa Wananchi wa Pangarawe kata ya kigombe wilayani Mkinga Mkoani Tanga wakilalamikia kero mbalimbali ikiwemo ya Ardhi

COPRA YANG’ARA SIKU YA CHAKULA DUNIANI KWA UBUNIFU WA KUONGEZA THAMANI YA MAZAO

“Tumepata tuzo ya ushindi kwa ubunifu tulioufanya. Tunastahili tuzo hii kwa sababu tumezingatia kaulimbiu ya mwaka huu inayosema Ubunifu wa leo, lishe bora ya kesho kuelekea Dira 2050,” alisema Sapanjo

NA SOPHIA WAKATI, TANGA
MAMLAKA ya Udhibiti wa Nafaka na Mazao Mchanganyiko (COPRA) imeibuka na ushindi katika maonesho ya Maadhimisho ya Siku ya Chakula Duniani baadae ya kupika Mtori wa kutuma  Choroko. ,Yaliyofanyika kitaifa katika viwanja vya Usagara,mkoani Tanga, baada ya kufanya shughuli mbalimbali za kibunifu zinazolenga kuongeza thamani ya mazao na kuboresha lishe.

Ushindi huo umetokana na ubunifu uliofanywa na COPRA, ikiwemo kuonesha mapishi ya vyakula vinavyotokana na jamii ya mikunde pamoja na kuwashirikisha wadau wanaojihusisha na kuongeza thamani ya mazao kuonesha bidhaa na kazi zao.

Alisema kupitia banda lao, walifanya shughuli mbalimbali za kibunifu, ikiwemo kuonesha mapishi ya vyakula vya jamii ya mikunde na kuwapa nafasi wadau wa kuongeza thamani ya mazao kuonesha kazi zao.

Sapanyu alieleza kuwa COPRA pia ilitumia maadhimisho hayo kuwakutanisha wadau wa minyororo ya thamani ya mazao ya viungo ili kusikiliza changamoto zinazowakabili na kutoa ufafanuzi kuhusu masuala mbalimbali yanayohusu sekta hiyo.

Alisema baadhi ya changamoto zilizowasilishwa na wadau zinahusu uzalishaji, uhifadhi na masoko ya mazao, ambazo zinahitaji kushughulikiwa ili kuwawezesha wakulima na wadau wengine kunufaika zaidi na shughuli zao.

Aliongeza kuwa COPRA inalenga kuimarisha minyororo ya thamani ya mazao yote inayoyasimamia, yakiwemo mazao ya viungo, kwa kuhakikisha yanazalishwa kwa ubora na kuwa na masoko.

"COPRA imejinga kuimarisja sekta ya kilimo,kuongeza thamani ya mazao,kusaka masoko ya uhakika ndani na nje ya nchi,kuondoa changamoto kukosa wanunuzi"alisema Martin.

Maadhimisho hayo yalifungwa Oktoba 16, 2026, na Mkuu wa Mkoa wa Tanga, Balozi Dk. Batilda Salha Burian, aliyemwakilisha Waziri wa Mifugo na Uvuvi, Balozi Dk. Bashiru Ally Kakurwa.
Mwisho.

MAONYESHO YA CHAKULA HALMASHAURI YA MUHEZA YAWATAKA WADAU WA KILIMO KUTUMIA FURSA

 

Picha wa pili Mkono wa kushoto ni Mkurugenzi Mtendaji wa Halmashauri ya Muheza : Naima Chondo akiwa katika maonyesho ya chakula duniani katika viwanja vya usagara jijini Tanga akiahamasisha wadau kujitokeza katika halmashauri hiyo kutumia fursa ya kilimo.

NA SOPHIA WAKATI,MUHEZA

MKURUGENZI Mtendaji wa Halmashauri ya Wilaya ya Muheza mkoani Tanga, Naima Bakari Chondo, amewakaribisha wadau, hususan wakulima, kutembelea wilaya hiyo ili kutumia fursa zilizopo katika sekta ya kilimo kuongeza uzalishaji.

Chondo amesema wilaya ya Muheza ina ardhi yenye rutuba na hali nzuri ya hewa, ambazo ni miongoni mwa fursa zinazoweza kutumiwa na wakulima kuongeza uzalishaji wa mazao mbalimbali ya nafaka.

Ametoa wito huo wakati wa kilele cha Maadhimisho ya Siku ya Chakula Duniani Kitaifa yaliyofanyika Viwanja vya Usagara vilivyopo jijini Tanga, ambapo Halmashauri ya Wilaya ya Muheza iliweza kushiriki kwa kuweka banda la maonesho.

Kauli mbiu ya Siku ya chakula duniani Kitaifa kwa mwaka huu inasema" ubunifu wa leo lishe bora ya kesho kuelekea Dira 2050".

Alizungumzia zaidi sekta ya Kilimo, Mkurugenzi huyo alisema kuwa,anajivunia nafasi ya Muheza katika uzalishaji wa mazao ya viungo na kusisitiza kuwa wilaya hiyo ina fursa zinazoweza kuvutia wadau zaidi kuwekeza katika kilimo cha mazao ya aina mbalimbali.

Chondo pia ameeleza kufurahishwa na ushindi uliopatikana na halmashauri hiyo katika maadhimisho hayo, akisema ilistahili kupata tuzo hiyo.

Amesisitiza kuwa matumizi ya fursa zilizopo katika sekta ya kilimo yanaweza kuwawezesha wakulima kuongeza uzalishaji na kunufaika zaidi na shughuli zao.

Maadhimisho hayo yalifungwa Oktoba 16, 2026, na Mkuu wa Mkoa wa Tanga, Balozi Dk. Batilda Salha Burian, aliyemwakilisha Waziri wa Mifugo na Uvuvi, Balozi Dk. Bashiru Ally Kakurwa.
Mwisho. 

VODACOM KURUDISHA FAIDA INAYOPATIKANA KWA JAMII KUPITIA MCHEZO WA REDE

 

 

Pichani ni Meneja masoko wa Kampuni ya Vodacom Tanga,Dalton Mgina amesema ufadhili huo unakuja kupitia mchezo wa Ready.

Na Sophia Wakati, Tanga

KUPITIA mchezo wa Ready Kampuni ya Simu za mkononi ya Vodacom Mkoani Tanga imeanza kurejesha faida wanayopata katika kusaidia huduma za kijamii.

Hatua hiyo ni sehemu ya mchango wa Vodacom kutokana na faida wanazopata kupitia bidhaa zake.

Meneja masoko wa Kampuni ya Vodacom Tanga,Dalton Mgina amesema ufadhili huo unakuja kupitia mchezo wa Ready.
 
"Tumeanza na kata ya Duga na leo kata ya Nguvumali ambayo imeshirikisha jumla timu 20.katika Bonanza hilo "alisema Meneja masoko huyo wa jiji la Tanga Mgina.

Kwa mujibu wa Meneja masoko Mgina, huko katika kata ya Nguvumali ,mchezo wa Ready ulioifanyika shule ya Gofu juu na aliueibuka mshindi ni timu ya Dadas alizawadiwa tsh. 70,000/-.

Mshindi wa pili katika michezo hiyo ni Nguvumali Princes aliyepata Shilingi 50,000/- na washindi wengine ni Sophia Yohana aliyeibuka mshindi kukuna Nazi.

Washindi wengine ni yule aliyepatikana kwa kunywa Soda Hassan Juma,kutoka chuo Cha fundi Veta,,kukuna nazi ni Sophia Yohana,kula Ndizi Joving Swai kutoka chuo Cha Veta ambayo wamepata pesa tasilimu.
Mwisho.